साइप्रस न्युज

डिसेम्बर ३१ सम्म लम्बियो नियम, केही नियम शुक्रवार देखि थप हुने

शेयर गर्नुहोस्

समिम मियाँ
०९ डिसेम्बर २०२०/लिमासोल
मन्त्रीपरिषद्को बैठकले आज कोरोना नियन्त्रण गर्नका लागि आवश्यक कदम भन्दै थप नियमको घोषणा गरेको छ। हप्तादिनको महामारीको डाटा को विश्लेषण पछि शुक्रबार हुने भनिएको मन्त्रीपरिषद्को बैठक बुधबार नै सारिएको ।मन्त्रीपरिषद्को निर्णय अनुसार थप नियम डिसेम्बर ११ तारिख शुक्रबार देखि लागू हुनेछ ।हाल लागू रहेको नियम डिसेम्बर १३ मा सकिने भए महामारीको अवस्था हेरेर यसलाइ आगामी डिसेम्बर ३१ सम्म थप गरिएको स्वास्थ्य मन्त्रालयले जनाएको छ। क्रीसमस र नयाँ वर्षको दिन भने यी नियममा लचकता दिने सकिने सम्भावना भए पनि कोरोनाको फैलावट को आधारमा मात्र निर्णय हुने बताइएको छ।

अहिले लागु नियमलाइ ३१ डिसेम्बर सम्म लम्ब्याउदै थप केही नियम घोषणा भएको छ ।
५००वर्ग मिटर भन्दा मुनिका मल र डिपार्टमेन्ट स्टोर बन्द हुनेछन् भने ५०० वर्ग मिटर भन्दा माथीका सुपरमार्केट, ठुला स्टोर र डिपार्टमेन्ट स्टोर खुला हुनेछन् । यद्यपि खाद्यान्न बिक्री हुने सुपरमार्केट र किराना पसल भने खुल्ला रहने छन् ।

त्यस्तै, रेस्टुरेन्टमा डाइन इन सेवा बन्द हुनेछन् भने “डेलिभरी र टेक अवे” संचालित रहनेछन् । चर्च तथा अन्य धार्मिक स्थलमा भक्त बिना नै सन्चलन गर्न सकिने छ भने विवाह लगायतका समारोहमा १० जना मात्र सहभागी हुन पाइने बताइएको छ।
श्रोत :अल्फा न्युज

शेयर गर्नुहोस्

Samim Desk

समिम मियाँ, लामो समय देखि साइप्रसका विभिन्न गतिविधि बारे अपडेट गर्दै आइरहनु भएको छ।

Leave a Reply

Your email address will not be published. Required fields are marked *