फेरि लकडाउन गर्नु अन्तिम विकल्प : स्वास्थ्य मन्त्रालय
पछिल्लो केहि दिन मा लिमासोलमा कोरोना संक्रमण देखिए पछि स्वास्थ्य मन्त्रालयले चिन्ता व्यक्त गरेको छ । स्थानीय समुदायमा रहेको भाइरस अझै पनि सक्रिय रहेकाले सर्वसाधारणले भिडभाड र ठुलो संख्या मा जमघट हुने स्थल मा जाँदा सावधानी अपनाउन स्वास्थ्य मन्त्रालयले अनुरोध गरेको छ ।
लिमासोल मारिना स्थित वागामामा रेस्टुरेन्टका स्टाफ ५ जनामा कोरोना संक्रमण देखिएको थियो। लिमासोल कै कोस्ता कफी सपका एक स्टाफ मा पनि कोरोना पोजेटिभ देखिए पछि सो स्टोर बन्द गरि निर्जलीकरण गरिएको छ भने सबै स्टाफ लाइ कोरोना टेस्ट गर्न पठाईएको सो स्टोर ले बताएको छ ।
महामारीको अवस्था राम्रो बनाउन र जनस्वास्थ्य को सुरक्षा गर्नु सबै नागरिकको व्याक्तिगत र सामाजिक जिम्मेवारी भएको स्वास्थ्य मन्त्रालयले दोहोर्याउदै भाइरसको संक्रमण फैलिनबाट रोक्न फेरि लकडाउन गर्नु नै अन्तिम विकल्प हुन सक्ने र यो हुनबाट रोक्न सबैको दायित्व भएको मन्त्रालयले बताएको स्थानीय मिडियाले जनाएका छन्।
आइतबार गरिएको ९१२ टेस्ट मध्य ४ जनामा कोरोना संक्रमण देखिएको छ। यो संगै संक्रमित को संख्या १०५७ पुगेको छ। निको हुने को संख्या ८५२ छन् भने १९ जनाको मृत्यु भै सकेको छ।
