भारतीय सेनालाई पछि हट्न चीनको चेतावनी, भन्यो–‘यहीँ बसे कि चिसोले मर्छौ कि कोरोनाले’
काठमाडौं। भारत र चीनबीच जारी सीमा विवाद सुल्झाउनको लागि पाँच बुँदे सहमति भएकै दिन चीनले भारतीय सेनालाई लद्दाखको पेगोंग त्सो तालको दक्षिणी भागबाट पछि हट्न चेतावनी दिएको छ । चीनको सरकारी मिडिया ग्लोबल टाइम्सले यदि भारतीय सेना पेगोंग त्सो तालको दक्षिणी भागबाट पछि नहटे चिनियाँ सेना पूरै हिउँदभरी त्यहीँ बस्ने बताएको छ ।
If Indian troops don’t withdraw from the southern bank of Pangong Tso Lake, the PLA will confront them all winter long. Indian troops’ logistics are poor, many Indian soldiers will die of freezing temperature or COVID-19. If a war breaks out, Indian army will be defeated quickly.
— Hu Xijin 胡锡进 (@HuXijin_GT) September 10, 2020
चिनियाँ सेनाले भारतीय सेनालाई पूरै जाडो महिनाभरी त्यहीँ बस्न बाध्य पार्ने चेतावनी दिँदै ग्लोबल टाइम्सका सम्पादक हू शिजिनले ट्वीट गर्दै भनेका छन् ‘भारतको सैन्य तन्त्र र उनहिरुलाई उपलब्ध गराइने सुविधा कमजोर छ । कैयौं भारतीय सैनिकहरु यहाँको चिसो मौसमका कारण कठ्यांग्रिएर वा कोरोनाभाइरसका कारण मर्नेछन् । यदि यहाँ युद्धको स्थिति आयो भने भारतीय सेना निकै छिटो पराजित हुनेछ ।’
#环球时报Editorial: If India wants peace, China and India should uphold the LAC of November 7, 1959. If India wants war, China will oblige. Let’s see which country can outlast the other. https://t.co/O0EkXVACG8 pic.twitter.com/tdbOEvjVUQ
— Global Times (@globaltimesnews) September 10, 2020
ग्लोबल टाइम्सले अगाडि भनेको छ ‘यदि भारत शान्ति चाहन्छ भने दुवै देशले लाइन अफ एक्चुअल कन्ट्रोल (एलएसी) को ७ नोभेम्बर १९५९ को स्थितिलाई नै मान्नुपर्छ । यदि भारत युद्ध चाहन्छ भने चीन युद्धको लागि बाध्य हुनेछ । हेरौं दुई देशमध्ये को कसको अगाडि कति समयसम्म टिक्न सक्छ ।’ चीनले सधैं भारतको सम्मानको चिन्ता गरेको बताउँदै ग्लोबल टाइम्सले भारतका राष्ट्रवादीहरुले चीनले देखाएको सम्मान भावको फाइदा उठाउन चाहेको बताएको छ । चीनले भारतले आफ्नो हैसियत बिर्सिएको पनि बताएको छ ।
