भोलि कतार स्थित नेपाली दूतावास बन्द रहने

माघ २६, काठमाडौँ । कतार स्थित नेपाली दूतावास भोलि बन्द हुने भएको छ । सोमबार दूतावासले सूचना जारी गर्दै कतारको राष्ट्रिय खेलकुद दिवसको अवसरमा दूतावास बन्द रहने जनाएको हो । 

‘कतारको राष्ट्रिय खेलकुद दिवसको उपलक्षमा यहि २०७७ माघ २७ गते मंगलबार तदनुसार ९ फेब्रुअरी २०२१ का दिन राजदूतावास बन्द रहने सूचना सम्बन्धित सबैलाई जानकारी गराइन्छ ।’ सूचनामा भनिएको छ ।

यस्तै माघ २८ गतेदेखि नियमितरुपमा दूतावास खुला रहने जनाइएको छ ।