योगी हुन्छु

शेयर गर्नुहोस्

तिमी जाउ आर्यघाट

जहाँ बागमतीको जलले

चिताको भष्म पखाल्न सकिन्छ

आर्यघाटको एउटा वेदीमा ।

तिम्रा भाइबन्धुले

तिम्रो मृत्युपछि त्यो वेदी नलिएलान्

त्यसैले

तिम्रो प्राण छँदै

चिता भष्म हुन तिमी आर्यघाट जाऊ ।

आर्यघाटको वेदी नजिकै जाऊ

जहाँ अन्तिम प्राणवायुपछि

तिम्रो दाहसंस्कार त्यहीं होस् ।

त्यो दिन गन्दै

भष्म हुन तिमी आर्यघाटको वेदी ओगट ।

नत्र तिम्रा पुत्र अनुज बन्धुहरूले

तिमीलाई फोहर फ्याँक्ने खाल्डोमा

डोजर लाएर पुर्न सक्छन् ।

तिमी जाऊ आर्यघाट

म जान्छु कहीँ

योगी हुन्छु ।

समाचार र भिडियो हेर्न तल का लिंकहरु मा क्लिक गर्नुहोस्
श्रोत : नागरिक https://nagariknews.nagariknetwork.com/arts/466081-1614253916.html

शेयर गर्नुहोस्

You May Also Like

Leave a Reply

Your email address will not be published. Required fields are marked *