एउटी छोरीको जीवन बचाउन आमाबाबुले अर्की छोरीलाई १० हजारमा बेचिदिए

शेयर गर्नुहोस्

काठमाडौं। १६ वर्षीया छोरीको उपचारका लागि पैसा जम्मा गर्न आमाबुबाले आफ्नी १२ वर्षीया कान्छी छोरीलाई छिमेकीलाई बेचिदिएका छन् । भारतको आन्ध्र प्रदेशको नेल्लोर जिल्लामा ती मातापिताले आफ्नी छोरीलाई १० हजार रुपैयाँमा बेचेको टाइम्स अफ इण्डियाको रिपोर्टमा जनाइएको छ ।

यो घटना बुधबारको दिन कोटटूरमा भएको थियो तर घटनाको खुलासा बिहीबार राती मात्र भएको थियो । स्थानीय मानिसहरूले एकीकृत बाल विकास सेवा (आईसीडीएस) अधिकारीहरूलाई यस विषयमा जानकारी गराएपछि ती बालिकालाई ४६ वर्षका चिना सुब्बायाबाट उद्धार गरिएको थियो । सुब्बायाले आफूले ती बालिकासँग बिहे गरेको दावी गरेका छन् ।

सुब्बायालाई प्रहरीले पक्राउ गरेको छ। बालिकाका आमाबाबु दैनिक ज्यालादारी कामदार हुन्। प्रहरीले बताएअनुसार सुब्बायाकी पत्नीले वैवाहिक मतभेदपछि उनलाई छोडिसकेकी थिइन् र त्यसलगत्तै सुब्बायाको आँखा ती बालिकामाथि परेको थियो । उनले यसअघि पनि ती १२ वर्षकी बालिकासँग विवाह गर्ने प्रस्ताव उनका आमाबाबुसँग राखेको बताइएको छ ।

‘खरिद’ गरेपछि उनले बालिकासँग विवाह गरेर बुधबार राति नेल्लोरको भिडभालुर मण्डलअन्तर्गत दमपुर गाउँमा आफन्तको घरमा ल्याएका थिए । छिमेकीहरूले त्यो घरमा बालिका चिच्याइरहेको र रुँदै गरेको सुनेका थिए । ‘जब छिमेकीहरू उनको घरमा गए, सुब्बायाहले आफूले गरेको काममा केही गल्ती नभएको जस्तो गरी सबै कुरा स्वीकारे,’ एक आइसीडीएस अधिकारीले भने।

अधिकारीहरूले बालिकालाई जिल्ला बाल हेरचाह केन्द्रमा सारेका छन् । यहाँ उनलाई काउन्सिलिङ गरिँदैछ । अधिकारीहरूले बच्चाका आमाबाबुलाई पनि फेला पारेका छन् ।उनका मातापिताबाट उनीहरुकी जेठी छोरीलाई श्वासप्रश्वाससम्बन्धी रोग लागेको खुलासा भएको छ । ती दम्पतीले उनको उपचार खर्च जुटाउन नसकेपछि कान्छी छोरीलाई बेचेको प्रहरीले बताएको छ । सुब्बायाविरुद्ध मुद्दा दर्ता गरेर सोधपुछ गरिरहेको प्रहरीले बताएको छ ।


समाचार र भिडियो हेर्न तल का लिंकहरु मा क्लिक गर्नुहोस्
श्रोत : डिसी नेपाल https://www.dcnepal.com/2021/02/230526/

शेयर गर्नुहोस्

You May Also Like

Leave a Reply

Your email address will not be published. Required fields are marked *