नक्कली सुन देखाई ७ लाख ठगी गर्ने पक्राउ

सिन्धुपाल्चोक । नक्कली सुन देखाई ७ लाख रुपैयाँ ठगी गरी फरार रहेका सिन्धुपाल्चोकको बाह्रबिसे नगरपालिका ८ बस्ने ३८ वर्षीय जित बहादुर तामाङलाई प्रहरीले बिहीबार साँझ पक्राउ गरेको छ ।

बलेफी गाउँपालिका ४ टुनीबोटबाट गत असोज ३० गते नक्कली सुन देखाई उक्त नगद ठगी गरी फरार रहेका तामाङलाई ईलाका प्रहरी कार्यालय बाह्रबिसेबाट खटिएको प्रहरीले बाह्रबिसे नगरपालिका ८ मानेश्वरामा लुकिछिपी बसिरहेको अवस्थामा फेला पारी पक्राउ गरेको हो ।

यस सम्बन्धमा प्रहरीले थप अनुसन्धान गरिरहेको जनाएको छ ।