प्रधानमन्त्रीले गरे आफ्नै निर्वाचन क्षेत्रमा नेपालको सबैभन्दा ठूलो औद्योगिक पार्कको शिल्यान्यास

शेयर गर्नुहोस्

काठमाडौं। प्रधानमन्त्री केपी शर्मा ओलीले झापास्थित आफ्नो निर्वाचन क्षेत्रमा नेपालको हालसम्मकै ठूलो औद्योगिक पार्कको शिलान्यास गरेका छन्। उनले आइतबार दमकमा ‘चीन–नेपाल मैत्रीपूर्ण औद्योगिक पार्क’ को शिलान्यास गरेका हुन्।

औद्योगिक क्षेत्रको उद्घाटन गर्दै प्रधानमन्त्री ओलीले औद्योगिक क्षेत्र नेपाल र चीनको नयाँ मित्रताको प्रतिकको रुपमा समेत रहेको बताए।

२१ सय विघा जमिनमा बन्न लागेको औद्योगिक पार्कको लागत ६३ अर्ब लाग्ने छ। कार्यक्रममा बोल्दै प्रधानमन्त्री ओलीले आधुनिक उद्योग सञ्चालन हुने र लाखौँ  रोजगारी सिर्जना हुने दावी गरे।

चार चरणमा निर्माण सम्पन्न गर्ने लक्ष्य राखिएको उक्त औद्योगिक क्षेत्रको पहिलो चरणमा २ अर्ब लगानी हुने छ। जसमा लगभग ४५ हजार मानिसहरुले रोजगारी प्राप्त गर्ने बताइएको छ। उक्त पार्क ‘पीपीपी’ मोडलमा निर्माण गर्नेबारे नेपाल–चीनबीच सम्झौता भइसकेको छ।

सरकारले एक सातामा पाँचवटा औद्योगिक क्षेत्र शिलान्यास कार्यक्रम निर्धारण गरेको थियो। उक्त कार्यक्रमअनुसार प्रधानमन्त्रीले फागुन १० गते कञ्चनपुरको दैजी–छेला औद्योगिक क्षेत्र उद्घाटन गरेका थिए। यस्तै फागुन ११ गते बाँकेको नौबस्ता औद्योगिक क्षेत्र र फागुन १३ गते रुपन्देहीको मोतीपुर औद्योगिक क्षेत्र र फागुन १४ गते मकवानपुरको मोतीपुर औद्योगिक क्षेत्रको प्रधान्त्रीले शिलान्यास गरिसकेका छन्।


समाचार र भिडियो हेर्न तल का लिंकहरु मा क्लिक गर्नुहोस्
श्रोत : डिसी नेपाल https://www.dcnepal.com/2021/02/230891/

Facebook Comments Box
शेयर गर्नुहोस्

You May Also Like

Leave a Reply

Your email address will not be published. Required fields are marked *