मास्क अनिवार्य गराउन सडकमा अनुगमन समिति

शेयर गर्नुहोस्

कर्णाली । दोस्रो चरणको कोरोना सङ्क्रमणको जोखिम बढ्दै जान थालेपछि जिल्ला कोभिड–१९ सङ्क्रमण व्यवस्थापन केन्द्रले अनुगमन समितिलाई सडकमा खटाएको छ ।

व्यवस्थापन केन्द्रको निर्देशनानुसार अनुगमन समितिले आफ्नो सक्रियता बढाएको छ । अनुगमन टोलीका संयोजक रोमबहादुर महतका साथै केन्द्रका संयोजक एवं प्रमुख जिल्ला अधिकारी छविलाल रिजाल, प्रहरी उपरीक्षक राजेन्द्रप्रसाद भट्टसहितको अनुगमन टोलीले आजदेखि स्वास्थ्य सुरक्षा मापदण्डको अनुगमन थालेको छ ।

अनुगमन टोलीले वीरेन्द्रनगर बजारका प्रत्येक पसल पुगी बिक्रेता तथा ग्राहक, पैदलयात्रु, मोटरसाइकलमा सवार यात्रुलाई मास्क लगाउन निर्देशन दिएको छ । अनुगमनका क्रममा अधिकांशले मास्क लगाएको, केहीले नलगाएको, पकेटमा राखेको पाइएको अनुगमन टोलीका संयोजक एवं सहायक प्रमुख जिल्ला अधिकारी महतले बताए । उनका अनुसार मास्क प्रयोगमा हेलचक्र्याइँ गर्नेलाई अनिवार्यरुपमा मास्क लगाउन निर्देशन दिइएको छ ।

प्रमुख जिल्ला अधिकारी रिजालले केन्द्रको निर्णयअनुसार स्वास्थ्य मापदण्ड पालना गरे नगरेको यसरी नै अनुगमन गरिने बताए । उनले मास्क अनिवार्य प्रयोग गर्दा कोरोनाको जोखिम कम हुने भएकाले सबैलाई स्वास्थ्य मापदण्ड पूर्णपालना गर्न निर्देशन दिइएको जनाए ।

टोलीले सुर्खेतस्थित ठूला होटल, ट्रकोमा रिसोर्ट, स्वीमिङ पुलका साथै प्रदेश अस्पतालमा सञ्चालन गरिएको कोरोनाको दोस्रो डोजको खोप लगाउने कार्यको पनि अनुगमन गरेको छ । प्रदेश अस्पतालमा मङ्गलबार ६४५ जनाले कोरोनाको दोस्रो डोजको खोप लगाएको आज पनि त्यही सङ्ख्यामा खोप लगाएको जनाइएको छ ।


समाचार र भिडियो हेर्न तल का लिंकहरु मा क्लिक गर्नुहोस्
श्रोत : डिसी नेपाल https://www.dcnepal.com/2021/04/244526/

Facebook Comments Box
शेयर गर्नुहोस्

You May Also Like

Leave a Reply

Your email address will not be published. Required fields are marked *