कोरोनाको भ्याक्सिनले शरीर ‘चुम्बक’ बनाएको दाबी

शेयर गर्नुहोस्

कोरोनाको खोपको साइड इफेक्टका विषयमा निकै चर्चा हुने गरेको छ। कसलाई खोप लगाएपछि ज्वारो आउने, कसैलाई शरीर दुःखने, कसैलाई बान्ता हुनेजस्ता समस्या देखिने गरेको छ। यस्ता समस्या आएमा चिकित्सकसँग परामर्श लिन पनि भनिएको छ। भारतको नासिकमा एउटा अचम्मको घटना भएको छ।

त्यहाँका अरविन्द सोनार नाम गरेका एक व्यक्तिले आफूले खोपको दुवै डोज लिएपछि शरीरमा चुम्बकीय शक्ति विकास भएको दाबी गरेका छन्। उनले प्रमाण पेस गर्नका लागि शरीरमा स्टिलका सिक्का, चम्चा, प्लेटलगायत वस्तु टाँसिएको अवस्थामा एउटा भिडियो सामाजिक सञ्जालमा पोस्ट गरेका छन्। जुन निकै भाइरल बनेको छ।

सोनारका अनुसार एक दिन छोराले खोप लगाएका मानिसको शरीरमा चुम्बकीय शक्ति विकास हुने गरेको बताएका थिए। ‘त्यसपछि मैले यस्तो पनि हुन्छ भनेर परीक्षण गर्ने विचार गरेँ तर आफ्नो शरीरमा चम्चा, प्लेटलगायत टाँसे’, उनले भने, ‘मेरो शरीरमा ती वस्तु सजिलै टाँसिए, यो वास्तविकता हो।’

सोनारले करिब ५ दिनअघि एउटा निजी अस्पतालमा कोरोना खोपको दोस्रो डोज लिएका थिए।

Maharashtra Nasik Man shows magnetic power after corona second dose

आफूहरुलाई अन्य कुनै समस्या नरहेको उनको भनाइ छ। त्यसो त सोनारको १० वर्षअघि बाइपास सर्जरी भएको थियो। दुई वर्षदेखि उनी नियमित रुपमा डायबटिजको औषधि लिइरहेका छन्।

जब आफ्नो शरीरमा स्टिल र फरामका वस्तुहरु सजिलै टाँसिन थाल्यो तब सोनारले चिकित्सकसँग परामर्श पनि गरे।

यस विषयमा डा हामिद दाभोलकर मानव शरीरमा स्टिल र फलामका वस्तु भौतिकीको नियमविपरीत हुन्छ, यो सम्भव नै छैन। ‘यदि मानिसको छालामा चिल्लोपन र भ्याक्युम क्याबिटी विकास भएको छ भने यसरी स्टिल र फरामका वस्तु टाँसिने सम्भावना हुन्छ’, उनले भने, ‘तर खोपमात्रै होइन अन्य खोप लगाएको अवस्थामा यो सम्भव छैन।’

https://youtu.be/8li16dORD2s

दाभोलकर अहिलेको अवस्थामा बच्ने एउटामात्रै भरपर्दो अस्त्र भनेकै खोप हो। त्यसैले यस किसिमको हल्लाबाट बच्न आवश्यक रहेको उनको सुझाव छ।

जेजे मेडिकल कलेजका डिन डा तात्यारावे लहानेले पनि सोनारको दाबीमा कुनै सत्यता नभएको बताउँछन्। ‘विश्वभर १ अर्बभन्दा बढी मानिसले खोप लगाइसकेका छन्’, .

उनले भने, ‘ खोप र शरीरमा स्टिल र फरामका वस्तु टाँसिनुबीच कुनै सम्बन्ध छैन। त्यसैले यो विषयलाई खोपसँग जोडेर हेर्नु मूर्खताबाहेक अरु केही पनि होइन।’

यो समाचार पनि पढ्नुहोस् : टर्कीमा देखिएको समुन्द्री ‘सिँगान’ फामागुस्तामा पनि देखियो, के हुन्छ खतरा ?

Facebook Comments Box
शेयर गर्नुहोस्

You May Also Like

One thought on “कोरोनाको भ्याक्सिनले शरीर ‘चुम्बक’ बनाएको दाबी

Leave a Reply

Your email address will not be published. Required fields are marked *