४५० नेपालीलाई ठग्ने व्यवसायीलाई ८ अर्ब रुपैयाँको ठगी मुद्दा

बेलायतमा बस्ने नेपाली समुदायलाई लक्षित गरेर ठगी धन्दा चलाउने लण्डनको एक कम्पनीका पूर्वप्रमुखलाई ५० मिलियन पाउण्ड (५ अर्ब २५ करोड रुपैयाँ) बराबरको ठगी मुद्दा चलाइएको छ ।

हत्या गरिएका फेशन टाइकुन एरिस्टोर कोन्स्टान्टिनुका छोरा एन्थोनी कोन्स्टान्टिनुलाई यो कहिनाको अन्त्यतिर हुने सुनुवाइसम्मको लागि हिरासतमा राख्न अनुमति दिइएको सिटी अफ लण्डन पुलिसलाई उद्धृत गर्दै फाइनान्सियल टाइम्सले जनाएको छ ।

३९ वर्षका कोन्स्टान्टिनुको कम्पनीमा पुलिसले २०१५ मा छापा मारेको थियो ।

त्यतिबेला उनले क्यापिटल वर्ल्ड मार्केट्स (सीडब्लुएम) एफएक्स कम्पनी चलाउँथे जुन कम्पनी अहिले बन्द भइसकेको छ ।

यो कम्पनी मार्च २०१५ सम्म चेल्सी फुटबल क्लवको प्रायोजक पनि थियो जतिबेला सिटी अफ लण्डन पुलिसले कम्पनीको हेरोन टावर अफिसमा छापा मारेको थियो ।

सीडब्लुएमको फण्डले लगानीकर्ताहरुबाट करिब ५० मिलियन पाउण्ड आकर्षित गरेको थियो ।

ती लगानीकर्तालाई मासिक ५ प्रतिशत प्रतिफल दिने अफर गरिएको थियो । यसमध्ये लगानीकर्ताको कति पैसा असुली भयो भन्ने स्पष्ट छैन ।

पुलिसले २०१६ मा गोर्खाली सैनिकसहितका ४५० नेपालीले २ मिलियन पाउण्ड भन्दा धेरै गुमाएको बताएको थियो ।

‘यो गोर्खाली र उनीहरुका साथी तथा परिवारमा जंगलको आगोजस्तै फैलिएको थियो’ सिटी अफ लण्डन पुलिसका एक अधिकारीले त्यतिबेला भनेका थिए ।

क्राउन प्रोसिक्युसन सर्भिसका अनुसार कोन्स्टान्टिनुलाई ७ वटा अभियोग लगाइएको छ ।

झुटो प्रतिनिधित्व गरेर ठगी गरेको एउटा अभियोगसहित ४ वटा मुद्रा अपचलनका मुद्दा लगाइएको छ ।

यसबाहेक अन्य २ अभियोगहरु कम्पनी ऐन र ठगी ऐन अन्तर्गत झुटो व्यापारका अभियोग छन् ।

कोन्सान्टिनु जुनमा वेस्टमिनिस्टर मजिस्ट्रेट अदालतमा उपस्थित भएका थिए । अब यो महिना उनको सुनुवाइ साउथवार्क क्राउन कोर्टमा हुँदैछ ।

यो समाचार पनि पढ्नुहोस् : एक युवतीको २ वटा योनी २ वटा पाठेघर, १८ वर्षकी हुँदासम्म अन्जान